Hamfarahópur 🌍🛠️

Hamfarahópurinn er nýr og öflugur sameiginlegur hópur Hjálparsveit skáta í Reykjavík og Hjálparsveit skáta í Kópavogi, stofnaður með það að markmiði að bregðast hratt og faglega við þegar stórslys eða hamfarir eiga sér stað hvar sem er á landinu.

Hópurinn er skipaður vel þjálfuðu og sérhæfðu björgunarfólki sem getur starfað sem sjálfstæð eining í að minnsta kosti 48 klukkustundir án utanaðkomandi aðstoðar. Hann er þannig ekki byrði á það samfélag sem orðið hefur fyrir áfalli, heldur kemur með allt sem þarf – bæði búnað og aðföng – til að styðja við og sinna björgunaraðgerðum á svæðinu.

Hamfarahópurinn hefur það að markmiði að:

Sinna tæknilegri björgun við krefjandi aðstæður, t.d. þegar fólk er fast í rústum eða óaðgengilegu umhverfi.

Halda utan um aðgerðir á vettvangi, með tilliti til aðbúnaðar hópsins, flutninga, samskipta og aðfanga.

Starfa í samhæfingu við önnur viðbragðsteymi og stuðla að faglegum og skipulögðum viðbrögðum á skaðasvæðum.

Hamfarahópurinn byggir á sterkri liðsheild, mikilli reynslu úr fjölbreyttum hópum beggja sveita og sameiginlegri sýn um öryggi, fagmennsku og sjálfbærni í alvarlegustu aðstæðum.