Sveitarfundur HSSR verður haldinn þriðjudaginn 26. janúar kl 19:00.
Fundinum verður streymt þar sem við virðum samkomutakmarkanir sem eru í gildi.
Dagskrá
Aðalfundur Hjálparsveitar skáta í Reykjavík verður haldinn miðvikudaginn 23. september 2020 í húsnæði sveitarinnar að Malarhöfða 6 á milli kl. 19 og 22.
Dagskrá fundarins er eftirfarandi:
Reikningar sveitarinnar
Reikningar sveitarinnar munu liggja frammi til skoðunar á skrifstofu hennar frá klukkan 15:00 miðvikudaginn 16. september og fram að lokum aðalfundar.
Atkvæðisbærni
Minnt er á að atkvæðisbær félagi þarf að hafa starfað með sveitinni sem nemur að lágmarki 50 klukkustundum sem skráðar eru í D4H undanförnum tólf mánuðum. Hver félagi fyrir sig getur skoðað tímastöðu sína í D4H eða haft samband við starfsmann sveitarinnar í netfangið hssr@hssr.is og fengið upplýsingar hjá honum.
Að hausti býðst áhugasömu fólki að skrá sig í nýliðaþjálfun hjá Hjálparsveit skáta í Reykjvík. Þetta er krefjandi og spennandi ferli þar sem nýliðar læra á fyrra árinu að vera sjálfbjarga í erfiðum aðstæðum og á seinna árinu að verða fagfólk í leit og björgun.
Haldnir verða tveir kynningarfundir, fimmtudaginn 27. ágúst og þriðjudaginn 1. september kl. 20 í húsnæði sveitarinnar að Malarhöfða 6. Fundirnir verða fyllilega í samræmi við allar kröfur sem gerðar eru vegna Covid-19. Til þess að hægt verði að tryggja réttan fjölda fólks og lágmarks fjarlægð á milli gesta biðjum við áhugasama um að skrá sig á þann fund sem hentar þeim.
Nánari upplýsingar á hssr.is/nylidar.
Sveitarfundur Hjálparsveitar skáta í Reykjavík verður haldinn þriðjudaginn 15. október 2019 í húsnæði sveitarinnar að Malarhöfða 6 á milli kl. 19 og 22.
Dagskrá fundarins er eftirfarandi:
1. Sveitarforingi skipar fundarstjóra og fundarritara.
2. Inntaka nýrra félaga.
3. Skýrsla um starfsemi sveitarinnar á þessu starfsári.
4. Starfsáætlun til næsta reglulegs sveitarfundar.
5. Önnur mál.
Allir félagar, fullgildir jafnt sem nýliðar og mjög virkir sem minna virkir, eru velkomnir á fundinn. Ef þú ert með erindi sem þú vilt koma á framfæri undir dagskrárliðnum Önnur mál er hægt er að senda tölvupóst á stjorn@hssr.is eða gefa sig á tal við sveitarforingja eða fundarstjóra á fundinum.
Sveitarfundur Hjálparsveitar skáta í Reykjavík verður haldinn þriðjudaginn 29. janúar 2019 í húsnæði sveitarinnar að Malarhöfða 6 á milli kl. 19 og 22.
Dagskrá fundarins er eftirfarandi:
1. Sveitarforingi skipar fundarstjóra og fundarritara.
2. Inntaka nýrra félaga.
3. Skýrsla um starfsemi sveitarinnar frá síðasta reglulegum sveitarfundi.
4. Starfsáætlun til næsta reglulegs sveitarfundar.
5. Önnur mál.
Þegar er vitað að undir liðnum Önnur mál muni samráðshópur tækjahópar kynna nýjar þreifingar í húsnæðismálum sveitarinnar.
Allir félagar, fullgildir jafnt sem nýliðar og mjög virkir sem minna virkir, eru velkomnir á fundinn.
Flugeldasala Hjálparsveitar skáta í Reykjavík hefst í dag og opna sölustaðir okkar föstudaginn 28. desember kl. 14. Nánari upplýsingar um opnunartíma og staðsetningu sölustaða eru hér.
Við vekjum sérstaka athygli á nýmæli sem björgunarsveitir bjóða nú um þessi áramót, en það er Rótarskotið sem er góður kostur fyrir alla sem vilja styðja við björgunarsveitirnar í störfum þeirra, hvort sem fólk ætlar sér að kaupa flugelda eða ekki. Hvert Rótarskot gefur af sér tré sem plantað verður í sumar með stuðningi Skógræktarfélags Ísland í nýjum Áramótaskógi Slysavarnafélagsins Landsbjargar.
Munið svo eftir öryggisgleraugunum og fylgið leiðbeiningum um notkun flugelda.
Gleðilegt nýtt og farsælt komandi ár!
Sveitarfundur Hjálparsveitar skáta í Reykjavík verður haldinn þriðjudaginn 18. september 2018 í húsnæði sveitarinnar að Malarhöfða 6 á milli kl. 19 og 22.
Dagskrá fundarins er eftirfarandi:
1. Sveitarforingi skipar fundarstjóra og fundarritara.
2. Inntaka nýrra félaga.
3. Skýrsla um starfsemi sveitarinnar frá síðasta reglulegum sveitarfundi.
4. Starfsáætlun til næsta reglulegs sveitarfundar.
5. Önnur mál.
Þegar er vitað að undir liðnum Önnur mál muni formaður Hundahóps HSSR kynna starf sitt. Þá mun húsnæðisnefnd kynna nýjar þreifingar í húsnæðismálum sveitarinnar.
Allir félagar, fullgildir jafnt sem nýliðar og mjög virkir sem minna virkir, eru velkomnir á fundinn.
Á milli 35-40 gestir mættu á kynningu á nýliðaþjálfun. Fjórir fyrirlesarar upplýstu gesti um flest það sem skiptir máli í tengslum við þjálfunina og fengu svo vel valdar og góðar spurningar úr sal.
Þriðjudaginn 11. september kl. 20 verður fyrsti fundur N1 haldinn að Malarhöfða 6 (M6). Farið verður yfir þann búnað sem nýliðar munu þurfa í þjálfuninni og svo verður spjallað um það sem er framundan. Ef þú vilt hafa samband getur sent okkur póst á nylidar.2018@hssr.is.
Svo verður fyrsta námskeiðið haldið 14.-16. september, en það er Rötun og ferðamennska. Þátttakendur munu njóta þess að vera á Úlfljótsvatni yfir helgina í góðu yfirlæti. Lagt verður af stað frá M6 kl. 18.
Þátttakendur í göngunni fimmtudaginn 30. ágúst.
Þessi frétt verður notuð til að miðla upplýsingum til áhugasamra. Fylgist með hér eða á facebook.com/reykur
Á morgun, þriðjdaginn 28. ágúst, verður haldin kynning á nýliðaþjálfun Hjálparsveitar skáta í Reykjavík að Malarhöfða 6 og hefst hún stundvíslega kl. 20.
Farið verður yfir helstu atriði sem tengjast þjálfunarferlinu og spurningum áhugasamra svarað.
Að vera nýliði í björgunarsveit er gefandi og skemmtilegt, enda er verið að vinna að því markmiði að verða fullgildur björgunarmaður sem tekur þátt í fjölbreyttum útköllum allt árið um kring. Í ár ætlum við að leggja ríka áherslu á hæfni í erfiðu og krefjandi umhverfi frá fjöru til fjalla. Þátttakendur verða að vera tilbúnir til þess að leggja á sig mikla vinnu og verja töluverðum tíma á námskeiðum, í þjálfun og á æfingum á eigin vegum.
Nánari upplýsingar má finna hér.