Category Archives: Fréttir

Þrettándasala flugelda – Opnunartímar

Í dag föstudag, laugardag, sunnudag og mánudag verðum við með opna flugeldasöluna okkar á Malarhöfða 6 fyrir þrettándann, endilega kíkið við og nælið ykkur í flugelda, nóg úrval til🎆

Opnunartímar þrettándasölu á Malarhöfða 6, 110 Reykjavík :

  • 3. janúar: 17:00-21:00
  • 4. janúar: 12:00-20:00
  • 5. janúar: 12:00-20:00
  • 6. janúar: 17:00-20:00

Ath búið er að loka fyrir netpantanir til að tryggja rétt vöruframboð en úrvalið má engu að síður skoða þar á https://flugeldar.hssr.is🎇 Ath uppseld vara í netverslunni gæti leynst á Malarhöfða 6 þar sem einhverjar skekkjur gætu verið í lagerhaldinu.

Hlökkum til að sjá ykkur!

Flugeldasýning Hjálparsveitar skáta Kópavogi á Gamlárskvöld 2012

Netverslun flugelda opnuð!

flugeldar.hssr.is

Í gær opnaði netverslunin okkar fyrir flugelda en þar er hægt að finna landsins mesta úrvar flugelda í öllum stærðum og gerðum 🧨

Hægt er að finna allar upplýsingar um flugeldana hjá okkur á https://flugeldar.hssr.is 🎆

Annars viljum við óska ykkur öllum gleðilegra jóla og vona að þið hafið það gott yfir hátíðarnar 🎄

Sölustaðir okkar opna svo 28. desember klukkan 10:00 en þá verður hægt að ná í þær pantanir á Malarhöfða 6 sem gerðar eru í netversluninni, nánari upplýsingar má finna á vefnum. 🎇

Neyðarkall til þín

Neyðarkall til þín dagana 30. október – 4. nóvember ⛑️

Salan á Neyðarkalli sem í ár er Hamfarakall hefst í dag og stendur yfir alla helgina.

Sjálfboðaliðar okkar munu standa vaktina á ýmsum sölustöðum í Grafarvogi, Grafarholti og Árbæ.

Við vonum að þið takið vel á móti sjálboðaliðunum og styðjið við bakið á okkur í þessari mikilvægu fjáröflun.❤️

Einnig viljum við benda fyrirtækjum og öðrum áhugasömum á að hægt er að kaupa stærri útgáfu af Neyðarkalli hjá sveitinni, vinsamlegast hafið samband á neydarkall@hssr.is fyrir frekari upplýsingar.

Björgunarmenn taka á móti ykkur með bros á vör og ávallt tilbúin í næsta útkall 😊

Takk fyrir stuðninginn🙏

Nýliðakynningar HSSR

Fátt er meira gefandi en að koma öðrum til hjálpar; sumar, vetur, dag, nótt, leit og björgun. Það munar alltaf um hvern félaga sem mætir og leggur sitt lóð á vogarskálarnar.

Hjálparsveit skáta í Reykjavík býður áhugasömu fólki upp á þjálfun svo það geti orðið fullgilt björgunarfólk. Ef þú hefur áhuga á að kynna þér málið getur þú mætt á kynningarfund og fengið þar allar upplýsingar.

Þessir fundir verða haldnir í húsnæði sveitarinnar að Malarhöfða 6 þriðjudaginn 27. ágúst og fimmtudaginn 29.ágúst klukkan 20:00.

Nánari upplýsingar um nýliðastarf sveitarinnarinnar og skráningu má finna hér.

Hlökkum til að sjá sem ykkur

Ný stjórn kosin

Á þriðjudaginn 14.5.2024 var kosin ný stjórn Hjálparsveit skáta í Reykjavík.

Það er gaman að segja frá því að í fyrsta skipti í sögu sveitarinnar í 92 ár er það kona sem kosin var sveitarforingi en það er Ásta Rut Hjartardóttir sem er Jarðeðlisfræðingur að mennt og byrjaði hún nýliðaferilinn sinn í HSSR árið 2012.

Sömuleiðis er það eflaust í fyrsta skipti sem meirihluti stjórnar eru konur.

Á sama aðalfundi var einnig samþykkt að breyta lögum sveitarinnar en ein breytingin var við greinina er varðar uppstillinganefnd, þar bættist við eftirfarandi texti : “Uppstillingarnefnd skal stuðla að því að tryggja jafnræði kynjanna í stjórn HSSR.”

Fráfarandi stjórn HSSR óskar nýrri stjórn innilega til hamingju!

Á meðfylgjandi mynd má sjá nöfn þeirra sem voru kosin í stjórn ásamt mynd af þeim frá sínum fyrsta fundi í kvöld.

Frá vinstri: Sigríður Gyða, Sigríður Guðmundsdóttir, Jóhanna, Ásta Rut, Sigurlaug Kjærnested, Markús Auðunn, Kjartan Óli

Þrettándasala flugelda

Í dag föstudag og á morgun verðum við með opna flugeldasöluna okkar á Malarhöfða 6 fyrir þrettándann, endilega kíkið við og nælið ykkur í flugelda, nóg úrval til🎆

Opnunartímar á Malarhöfða 6, 110 Reykjavík :

◾️ 4. janúar: 17:30-21:00
◾️ 5. janúar: 17:30-21:00
◾️ 6. janúar: 10:00-18:00

Ath búið er að loka fyrir netpantanir til að tryggja rétt vöruframboð en úrvalið má engu að síður skoða þar á https://flugeldar.hssr.is🎇

Ath uppseld vara í netverslunni gæti leynst á Malarhöfða 6 þar sem einhverjar skekkjur gætu verið í lagerhaldinu.

Vefverslun flugeldasölunnar opnuð!

This image has an empty alt attribute; its file name is ertu-ad-leita-ad-flugeldum-1024x536.jpg

Vefverslun flugeldasölu Hjálparsveit skáta í Reykjavík (https://flugeldar.hssr.is) opnaði í gær, þar sem landsins mesta úrval af flugeldum fæst.

Upplýsingar um opnunartíma sölustaða má svo finna á :
https://flugeldar.hssr.is/pages/opnunartimar

Kláraðu kaupin á netinu í róg og næði heima, þú velur vörur, borgar og sækir svo til okkar á Malarhöfða 6.

Netpantanir eru afhentar 28-31 desember í húsnæði hjálparsveitarinnar við Malarhöfða 6 en við hvetjum fólk til að mæta 28 desember til að minnka álag á sölustað okkar.

Sprengjum nú þetta ár í burtu – Hjálparsveit skáta skaffar dótið!

Útkall til þín – Nýliðaþjálfun 2023-2025

Fátt er meira gefandi en að koma öðrum til hjálpar. Sumar, vetur, dag, nótt, leit og björgun. Það munar um hvert og eitt í hópi björgunarfólks sem mætir og leggur sitt lóð á vogarskálarnar.

Hjálparsveit skáta í Reykjavík býður áhugasömu fólki upp á þjálfun svo það geti orðið fullgilt björgunarfólk. Ef þú hefur áhuga á að kynna þér málið getur þú mætt á kynningarfund og fengið þar allar upplýsingar. Þessir fundir verða haldnir í húsnæði sveitarinnar að Malarhöfða 6 fimmtudaginn 24. ágúst og þriðjudaginn 29. ágúst klukkan 20:00.

Endilega skráið ykkur á viðburðina fyrir neðan.
Fyrri fundur- https://fb.me/e/3VayChtH4
Seinni fundur- https://fb.me/e/tla8y8Gu
Nánari upplýsingar á HSSR.is/nylidar

Sjá kynningarmyndband á Facebook hér : https://www.facebook.com/reykur/videos/299432489422441