Arnar og Árni náðu toppi á Matterhorn klukkan 11:00 í dag

Trausti, Danni og Ási fóru í klettaklifur í Les Gaillands í Chamonix í dag.

Mjög góður dagur í Chamonix, Sól og blíða. ( Kannski pínu of heitt)

Myndir frá Klettaklifri komnar á http://picasaweb.google.com/asbjornhp

Myndir frá toppi Matterhorn munu líklegast koma á morgun.

kv. Eldhressir Alpafarar

—————-
Texti m. mynd: Trausti og Danni ferskir
Höfundur: Ásbjörn Hagalín Pétursson

Við reyndum við Matterhorn, en sú tilraun mistókst.

Viltumst af leið og fórum ekki allveg réttu leiðina upp.

Það fór mikill tími í að vera ekki á réttri leið, fórum hægt yfir og mikið um laust grjót.

Fórum upp í Solvay hut sem er rétt yfir 4000m og tókum þá eftir því að við höfðum verið alltof lengi.

Við höfðum bara vatn og mat í ákveðin tíma. Og við þetta tímatap þá vorum við ekki með nægar vistir í restina og niður.

Trausti, Ási og Danni ákveðu að láta næstu tilraun bíða til betri tíma og stunda klettaklifrið grimt í Chamonix en Árni og Arnar ætla gera aðra tilraun í nótt.

kv. Alpafarar

—————-
Texti m. mynd: ferskir á Matterhorn
Höfundur: Ásbjörn Hagalín Pétursson

Þá erum við búnir að fara á topp Mont Blanc 4808m. Fórum upp Gouter leiðina. Lögðum af stað frá Nid d'Aigle (2372 m.) klukkan 15:00 23.ágúst Við stefndum þaðan upp í Gouter Hut 3817m, það tók okkur um 5 tíma að príla þangað. Vorum í þoku nánast alla leið upp í Gouter Hut, en í um 3700m fórum við yfir skýin. Gistum í skálanum til 02:30 og vorum lagðir af stað um 03:30.Náðum toppi á Mont Blanc um 09:00

Vorum komnir niðrí Gouter Hut um 12:00, fengum okkur góða súpu og skokkuðum niður á brautarstöðina Nid d'Aigle (2372 m.) og vorum komnir um 16:00 Ástæðan fyrir því að við ákvöðum að fara Gouter leiðina var vegna þess að það er búið að vera þrumuveður hér þriðja hvern dag og snjóað duglega, þarafleiðandi leyst okkur ekki þriggja tindaleiðinna sem við ætluðum.Þegar við vorum komnir niður af Mont Blanc fréttum við af snjóflóði í Tacul brekkunni sem er fyrsta brekkan í Þriggja tindaleiðinni sem við ætluðum að fara þennan dag. ( Fréttir af þessu má finna á frétta vefum.)

Núna stefnum við á Matterhorn, keyrum til Zermatt á eftir.

Kveðja, Alpafarar Myndir á http://picasaweb.google.com/asbjornhp

—————-
Texti m. mynd: Toppamynd
Höfundur: Hlynur Skagfjörð Pálsson

Strákarnir náðu á tind Mont Blanc (4810m) í nótt. Það náðist í Árna Þór áðan og voru fimmmenningarnir á leið niður heilu og höldnu. Þeir munu án efa segja okkur betur frá toppaferðinni þegar tækifæri gefst.

—————-
Höfundur: Björk Hauksdóttir

Lögðum 4 af stað frá Cosmiq hut upp Þriggja tinda leiðina á Mt.Blanc. Þrumuveður um nóttina seinkaði brottför um 5 tíma og mikið snjóaði um nóttina.Við lögðum af stað klukkan 06:30 og vorum eini hópurinn sem lagði af stað. Þetta var endalaust snjótroð og vorum um 3 tíma upp Tacul brekkuna. Næst tók við 6 tíma klifur upp á Mt.Maudit hrygginn. Þurftum að hverfa frá hefbundir leið og fara meðfram klettunum. Þegar við vorum komnir uppá hrygginn var klukkan um 17:00 og framhaldið leit ílla út.Mikil snjóflóða hætta var framundan og við ákváðum að snúa við.Vorum komnir aftur niðrí skála um 22:00. Erum núna bara að hvíla okkur og plana næstu ferð upp. Fullt af nýjum myndum á http://picasaweb.google.com/asbjornhp

Kveðja. Alpafarar ( Ási, Árni, Arnar, Danni og Trausti)

—————-
Texti m. mynd: http://picasaweb.google.com/asbjornhp
Höfundur: Haukur Harðarson

Jæja, erum búnir að vera Rölta um Alpana seinustu daga. Vinna i því að hæðaraðlaga okkur.

Allir fundum við fyrir hæðinni á fyrsta degi. Það var svakalega blíða og við röltum um sléttuna undir Midi spírunni.
Á öðrum degi vorum við að leika okkur í Midí spírunni í um 3800m hæð.
Á þriðja degi fengum við sól og mega blíðu og notuðum daginn.: Danni, Trausti og Arnar fóru á Tacul ( 4248m) í gær. Ási og Árni röltu frá Midi spírunni yfir til Ítalíu
Svakalegur munir að labba frá fyrsta degi í hæð og á þriðja degi

Stefnum á að leggja af stað á Mt.Blanc um 02:00 í nótt á staðartíma og munum reyna við þriggja tinda leiðina.

Kveðja.

Dáðadrengirnir Myndasíða Alpafara: http://picasaweb.google.com/asbjornhp

—————-
Höfundur: Hlynur Skagfjörð Pálsson

Fimm HSSR félagar hafa nú hafið þriggja vikna Alpaleiðangur. Stefnan er sett á Chamonix þar sem piltarnir munu dvelja næstu 12 daga við fjallgöngur og klifur.

Kapparnir eru væntanlegir heim þann 3. september.

Frétta er að vænta hér á síðunni eftir því sem bætist á afrekalistann.

Góða ferð.

—————-
Texti m. mynd: Við Leifsstöð fyrr í dag.
Höfundur: Hlynur Skagfjörð Pálsson

Nú stendur yfir landsmót skáta að Hömrum við Akureyri. Á mótinu eru um eða yfir 5000 þúsund manns, þar af þó nokkrir meðlimir í HSSR. Á laugardaginn var kynningardagur á mótinu, þar sem sveitin lét svo sannarlega sjá sig og reyndi að veiða inn nýliða fyrir komandi ár. Nýji fíni Reykur 3 var á aðaltorgi mótsins þar sem Baldur, feðgarnir Gunnar og Björn, Haddý, Jón Ingi og fleira gott fólk kynnti starf sveitarinnar og Landsbjargar fyrir áhugasömum. Kynningin gekk vel og vakti bíllinn okkar mikla athygli.

Kv
Baldur Skáti

—————-
Texti m. mynd: Reykur 3
Höfundur: Baldur Gunnarsson

Nokkrir HSSR félagar ásamt góðkunningjum lögðu land undir fót og héldu á vit Vestfjarðaævintýra. Hluti hópsins gekk frá Hornbjargi til Sæbóls í Aðalvík, um Kjaransvík, Fljótavík og Látra í blíðskaparútsýnisveðri. Minnihlutinn setti upp tjaldbúðir í Sæbóli í Aðalvík og kannaði næsta nágrenni í félagsskap við tófur, borna og barnfædda heimamenn, gamlar sögur og Börn Náttúrunnar. Fæstir höfðu gengið á þessum slóðum áður og er óhætt að segja að hrifningin og einstakar upplifanir munu fleyta okkur langt fram á sumar. Engir undarlegir hvítir flekkir sáust á ferðalagi okkar, en snjóskafla var að finna svo neðarlega sem niðrí fjöru!

—————-
Texti m. mynd: í sólskinsskapi í Aðalvík
Höfundur: Hrafnhildur Hannesdóttir

Undanfaraflokkur HSSR fór í mikla hreystiferð á Þumal í Skaftafellsfjöllum um síðustu helgi.

Fyrir þá sem ekki þekkja þá er um að ræða þumalfingurslaga klettadrangann sem gnæfir yfir Kjósinni norðan Skaftafells.

Sjö sprækir undanfarar og -rennur brunuðu austur í Skaftafell á skutlunni seinni part föstudags. Var strax haldið af stað inn í Morsárdal þar sem slegið var upp tjöldum við lónið eftir um 2 tíma göngu í regni og vosbúð.

Okkur til endalausrar hamingju hafði göngubrúnni við lónið skolað burt í leysingum fyrir margt löngu þannig að við urðum að gjöra svo vel og stinga loppunum í beljandi jökulána og vaða klakavatnið upp í læri og klof. Góð byrjun á deginum það.

Undir Eystra-Meingili var létt á bakpokunum og tjöld, svefnpokar o.fl. geymt meðan haldið var á brattann. Gangan upp Meingilið gekk prýðilega í þéttri þokunni. Í V-Hnútudal vandaðist málið og villtumst við upp á Vesturhnútu en það var bara gaman. Frá henni var svo torratað lengra inn dalinn upp skriðurnar undir Miðfellstindi, sérstaklega þar sem skyggni var ekki nema nokkrir tugir metra. Eftir miklar bollalengingar hafðist það og eftir smá brölt yfir skriður og skafla komum við að rótum Þumals og vorum þá komin skýjum ofar.

Klifrið á Þumalinn sjálfan gekk hægt en örugglega (5 tímar í það heila) enda stór en traustur hópur á ferðinni. Frábært klifur við stórkostlega aðstæður ofan skýjahulunnar – alveg einstakt!

Niðurferðin gekk vel fyrir sig þrátt fyrir að við lentum aftur í þykkri þokunni í 1000m hæð, söðluðum viðlegubúnaðinn í Kjósinni og strunsuðum niður aurana niður í Skaftafell. Komum í bílinn með afar lúin bein kl. 4 um morguninn eftir 18 tíma göngu, ca. 25km áfram og 1000m upp/niður (auk 5-6km kvöldið áður).

Nokkrar myndir er að finna á fésbókarsíðu Granítdvergsins:
http://www.facebook.com/album.php?id=758954621&aid=43424

—————-
Texti m. mynd: Freülein Dr. hvílir lúin bein á Þumli
Höfundur: Sigurður Tómas Þórisson