Sunnudaginn 12. maí héldu nokkrir vaskir meðlimir HSSR upp undir Búahamra til undirbúnings fyrir söfnunarþátt sem Slysavarnarfélagið Landsbjörg stendur fyrir í samvinnu við RÚV. Gert er ráð fyrir blandaðri dagskrá; innslög eru t.d. viðtöl við fólk úr sveitum og deildum, skjólstæðinga og aðstandendur, klippur úr starfi félagsins, tónlist, grín og glens.
Lagði sveitin fram búðatjaldið og mannskap í það auk fjallabjörgunarhóps til töku á forunnu efni. Tjaldið var sett upp undir hömrunum við stjórnstöðvarbílinn Björninn en fjallabjörgun sett upp í klettunum.
- Leið valin upp í Búahamra.
- Haldið upp í hamrana.
- Börur og annar búnaður borinn.
- Aðstæður kannaðar.
- Lausn verkefnisins rædd.
- Tryggingar undirbúnar.
- Línurnar gerðar klárar.
- Þolandi settur í börur.
- Börum slakað fram af brún.
- Línuvinnan í fullum gangi.
- Börumaður að störfum.
- Séð niður að stjórnstöðinni og búðatjaldið HSSR.
- Gengið frá.
- Aðgerð lokið.