Útkall gulur innanbæjarleit 18. desember. Björgunarsveitir fundu manninn rétt við heimili sitt eftir stutta leit og var hann bæði kaldur og illa áttaður. Var honum komið í sjúkrabíl er kallaður var á staðinn. Um 70 björgunarsveitamenn tóku þátt í leitinni þar af um 20 frá HSSR.
—————-
Höfundur: Haukur Harðarson
Í hádeginu á þriðjudag verður fyrsta yfirferð yfir skráningu í flugeldavinnu. Í kjölfarið á henni verður farið að hringja út í þá félaga sem ekki hafa skráð sig. Munið að mikilvægt er að skrá sig jafnvel þó þú ætlir ekki að taka þátt. Það léttir okkur lífið.
Ólar, Haukur og Hlynur
Ef þú hefur ekki skráð þið nú þegar þá er slóðin:
http://bit.ly/flugeldar2010
—————-
Höfundur: Haukur Harðarson
Nú er lokið afgreiðslu á umsóknum frá útkallshópum um kaup á búnaði. Niðurstaðan var að almennt voru útkallshópar að fá heimild til að kaupa þann búnað sem þeir óskuðu eftir enda voru óskir hóflegar. Einnig hafa verið keypt inn almenn ljós og hluti af VHF talstöðvum endurnýjaður. Talstöðvar verða endurnýjaðar í tveim áföngum. Alls nema útgjöld vegna þessara búnaðarkaupa um tveim miljónum króna. Einnig er komin til landssins tjaldhitari fyrir Trelleborgartjaldið.
Fyrir nokkru var auglýst eftir félögum til að taka þátt í starfi bækistöðvarhóps og niðurstaðan að því er að nú eru fjórir félagar að máta sig við starfið auk þeirra sem fyrir eru. Einnig hefur farið af stað vinna við að gera vinnuferla í útköllum skýrari og er það gert í samráði við útkallshópa. Er gert ráð fyrir að þeirri vinnu ljúku í febrúar og í framhaldi af því verða þeir prófaðir. Verið er að fullvinna dagskrá sveitarinnar eftir árámót og meðal dagskrárliða þar er að finna hópstjóranámskeið sem tekur mið af skipulagi HSSR og þjálfum fyrir leiðtoga.
Búið er að skila af okkur stikuverkefni á Hellisheiðinni fyrir OR auk þess sem við seldum rúmlega 4800 neyðarkalla. Það er frábær árangur og góð aukning frá fyrri sölu. Ný stjórn fundaði vikulega fyrst eftir aðalfund en frá nóvember fundar hún hálfsmánaðarlega. Þar sem mikil endurnýjun var í stjórn er nokkur vinna við það að skipta ábyrgðarsviðum og einstökum málaflokkum milli stjórnarmanna en fljótlega eftir áramót skýrast þær línur frekar. Frá og með síðasta þriðjudegi er komið flugeldafrí frá stjórn. Gleðileg jól og sjáumst í flugeldavinnu.
Stjórn HSSR
—————-
Höfundur: Haukur Harðarson
Kæru félagar
Nú er dagskrá Björgunarskólanns að verða tilbúin og hvet ég ykkur að kíkja á vefinn okkar http://www.landsbjorg.is/category.aspx?catID=157 og skoða dagskrána og endilega skrá ykkur á námskeið.
Fjarnámið sem fór af stað í haust hefur gengið ótrúlega vel og þeir sem sjá sér ekki fært að skrá sig í staðnám ættu endilega að skoða þann möguleika sem fjarnámið hefur upp á að bjóða. http://secure.emission.is/player/?r=7cc37a35-accb-466d-9087-891b79af5ad6
Endurmenntunarhelgar eru einning í boði og er góð upprifjun fyrir þá sem eru með einhverja þekkingu á efninu fyrir en þurfa að rifja upp. Endurmenntunarhelgar eru keyrðar upp um allt land og er næsta helgi á Vík í Mýrdal 14. og 15. janúar 2011. Endilega kynnið ykkur Endurmenntun, http://www.landsbjorg.is/category.aspx?catID=554
Með jólakveðju Björgunarskólinn
—————-
Höfundur: Haukur Harðarson
Nú stendur skipulagning flugeldasölunar sem hæst.
Mikilvægt er að allir félagar skili inn skráningu, líka þeir sem ekki geta tekið þátt, sem fyrst.
Smelltu á þessa slóð til að skila þinni skráningu:
http://bit.ly/flugeldar2010
—————-
Höfundur: Hlynur Skagfjörð Pálsson
Þriðjudaginn 14. desember verður fimmta og síðasta fjall kvöldsins fyrir áramótin klifið.
Sérstakt jólaþema verður ráðandi og Stefán Páll Magnússon, aka Stebbi tekur að sér leiðsögn. Hann mun leiða göngumenn um frábærlega áhugaverðar og skemmtilegar slóðir, þ.e. á Drottningu, Eldborgu og Stóra Kóngsfell.Þar sem um síðustu ferð fyrir jól er að ræða verður eins og áður segir, sérstakt jólaþema ráðandi. Menn eru hvattir til að mæta í jólastuði með jólasmákökur til að bjóða öðrum upp á í smakk og svo verða sérstök verðlaun í boði fyrir best jólaskreytta bakpokann.
Þetta er einstakt tækifæri til að ganga og njóta og hafa gaman í góðra vina hópi svona rétt fyrir flugeldavinnu sem er að bresta á nú í desember.Mæting er á M6 kl. 17:45 og bröttför er klukkan 18. Sem fyrr er akstur á vegum sveitarinnar en farið verður á einkabílum ef þess þarf.
Eins og ávallt er mikilvægt að vera vel búinn, í góðum skóm og í hlýjum fatnaði auk þess sem Stebbi bendir göngumönnum sérstaklega á að koma með gönguexi og brodda. Munið eftir höfuðljósum, vatni og nesti. Svo þarf nú varla að minna á góða frábæra jólaskapið 😀
—————-
Höfundur: Hlynur Skagfjörð Pálsson
Eins og fram hefur komið er flugeldaundirbúningur hafinn.
Í þessari og næstu viku verða vinnukvöld, sjá næstu dagskrárliðir hér til hægri, hefjumst við handa kl. 18.00 og reynum að komast fyrr heim í staðinn.
—————-
Höfundur: Hlynur Skagfjörð Pálsson
Þann 12. september 2009 hlaut Íslenska alþjóðabjörgunarsveitin formlega vottun sem fullgild alþjóðleg rústabjörgunarsveit. Hún var ein af fyrstu sveitum í heiminum til að hljóta slíka vottun og úttektin sem sveitin fór í á Gufuskálum til að komast í gegnum hæfnismat reyndist vera gott veganesti þegar stóra útkallið kom þann 12. janúar 2010 en þá reið jarðskjálfti af stærðinni rúmlega 7 yfir Haítí. Mannfall var gífurlegt enda skjálftinn á þéttbýlasta svæði landsins. Undirbúningur rústabjörgunarstarfs Íslendinga hófst nánast samstundis og hálfum sólarhring síðar lögðu á fjórða tug björgunarsveitarfólks með búnað sinn af stað til þessa fátæka og fjarlæga eyríkis. Skemmst er frá að segja að sveitin kom ekki bara fyrst á staðinn heldur ávann sér mikla virðingu, bæði fyrir björgunarstörf á vettvangi og leiðtogastörf í fjölþjóðlegum tjaldbúðum björgunar- og hjálparsveita á flugvellinum í Port-au-Prince. Mikilvægi þess að eiga þrautþjálfað fólk í rústabjörgun á innlendri og erlendri grund verður seint ofmetið
Félagar HSSR og vandamenn geta keypt bókina á sérstöku tilboðsverði á innri vef SL
—————-
Texti m. mynd: Hamfarir á Haítí
Höfundur: Ólafur Loftsson
Mánudagskvöld og fyrsta formlega vinnukvöld vegna flugelda. Tækjageymsla tæmd og áhersla á að hreinsa allt dótið út sem ekki á að vera þar þegar flugeldar koma inn. Einnig er búið að skipta um perur í lofti þannig að nú hefur byrt verulega í geymslunni.
Vinnan heldur svo áfram í kvöld og er áherslumæting hjá Nýliðum en að sjálfsögðu eru allir velkomnir. Á miðvikudag verður síðan áhersla á að útkallshópar færi sinn búnað og komi honum þannig fyrir að hann verði aðgengilegur í útköllum. Hópstjórar eru hvattir til að vera í sambandi við sína hóp vegna þessa. En það skemmtilega við þetta allt er að vertíðinn er hafinn.
—————-
Höfundur: Haukur Harðarson
Ágætu félagar í Viðbragðshóp.
Næstkomandi fimmtudag, 9. desember kl. 20 er boðað til mikilvægs fundar hjá Viðbragðshóp.
Við ætlum að bera undir ykkur hugmyndir að breyttum áherslum í starfi flokksins, nýtt nafn og breyttar kröfur til meðlima.
Mikilvægt er að allir sem hug hafa á að starfa með flokknum mæti og segi sína skoðun. Í framhaldinu myndum við svo fara að vinna markvisst að þessum breytingum þannig að endurbættur flokkur verði starfhæfur sem fyrst eftir áramót.
kv. Árni og Raggi.
—————-
Texti m. mynd: Fjallabjörgun í Esju.
Höfundur: Árni Tryggvason