Ágætu félagar!
29. janúar n.k. munum við halda upp á að 80 ár eru liðin frá því að stofnað var landsfélag um björgunar- og slysavarnamál í landinu. Slysavarnafélag Íslands var stofnað 29. janúar 1928 og munum við fagna þessum tímamótum saman í Listasafni Reykjavíkur við Tryggvagötu. Við munum senda boðskort á alla okkar samstarfsaðila en allir félagar SL eru velkomnir. Við hvetjum ykkur til að mæta í fatnaði tengdum félaginu. Það væri einnig gaman ef einverjir myndu klæðast eldri fatnað en það tengir okkur við fortíðina. Verið nú dugleg að hafa samband við eldri félaga og bjóða þeim í afmælið. Það verður opið hús fyrir alla núverandi og eldri félaga SL. Vonandi sjá flestir sér fært að mæta í þetta merkilega afmæli. Húsið opnar kl. 19:30 og dagskrá hefst kl. 20:00. Nánari upplýsingar eru á www.landsbjorg.is.
Hlakka til að sjá ykkur öll!
Kristinn Ólafsson
Framkvæmdastjóri SL
—————-
Höfundur: Hlynur Skagfjörð Pálsson