Þriðjudagurinn 13. des 20:00.
Farið verður yfir helstu atriði flugeldasölunar, kynning á nýjum sölustað (Norðlingahollti) og verslunarstjórum ásamt hefðbundnum dagskrárliðum.
Unnur og Sigga (hér eftir þekktar sem smurskvísunar), tóku við smurbrauðinu af bingó í fyrra, ætla nú að þreyta frumraun sína innan hjálparsveitarinnar í heitri súkkulaðigerð og smákökubakstri.
—————-
Höfundur: Frímann Ingvarsson
Austurbær vill bjóða 200 björgunarsveita/slysavarnafólki af höfuðborgarsvæðinu á sýninguna Alvöru menn í Austurbæ við Snorrabraut. 100 miðar eru í boði á sýningu föstudagskvöldið 9. des kl. 20:00 og 100 miðar laugardagskvöldið 10. des, kl. 20:00. Þeir sem hafa áhuga á að sjá sýninguna þurfa sjálfir að sækja miðana í Austurbæ en miðasalan er opin sýningardagana frá klukkan 13:00-16:00 og 18:00-20:00. Vinsamlegast bregðist fljótt við því fyrstur kemur, fyrstur fær. Nefnið Slysavarnafélagið Landsbjörg í miðasölunni og fáið miða fyrir ykkur og félagana, eða fjölskyldumeðlimi 🙂 Upplýsingar um sýninguna má fá hér: http://midi.is/leikhus/1/6636
—————-
Höfundur: Haukur Harðarson
Nú er komið að þessu lang skemmtilegasta. Það er semsagt fjallaferð á sunnudaginn kemur og ákveðið að gönguleiðina á Skessuhorn.
Mæting er á M6 á sunnudagsmorgun klukkan 06:00 og brottför mjög fljótlega eftir það. Allir skulu hafa meðferðis brodda, ísexi, hjálm, belti og annað sem tilheyrir fjallaferð að vetrarlagi.
Athuga skal að forkröfur í ferðina eru þær að hafa lokið námskeiðunum Fjallamennska 1, Fjallamennska 2 og Snjóflóðanámskeiði.
Skráning (þátttaka) miðast við sætafjöldann í R1 og eru áhugasamir beðnir að skrá sig sem allra fyrst hér: https://hssr.d4h.org/team/events/view/29141
—————-
Höfundur: Haukur Harðarson
Fræðslukvöld í endurlífgun í boði sjúkrahóps er fimmtudagskvöldið 24/11 kl 20:00 á M6. Kvöldið er ætlað öllum meðlimum sveitarinnar og vonumst við sérstaklega eftir að sjá eldri félaga sem ekki hafa farið nýlega á námskeið í Fyrstu hjálp.
Aðkoma að meðvitundarlausum einstaklingum er eitthvað sem hver sem er getur lent í, hvar sem er, og eru rétt viðbrögð það sem skiptir öllu máli varðandi útkoma þessa einstaklinga, sérstaklega þegar sérhæfð hjálp er ekki nærri. það geta allir veitt fyrstu hjálp!
Hvort sem þið eruð í rauða gallanum í starfi sveitarinnar eða jólaboðinu með ættingjum og vinum eru skjót og rétt viðbrögð aðalatriði, og því gott fyrir alla að fríska upp á þessa kunnáttu sína, hvort sem þeir eru virkir í starfi sveitarinnar eða ekki.
Með von um að sjá sem flesta,
Helgi
—————-
Texti m. mynd: Hringja-Hnoða
Höfundur: Helgi Þór Leifsson
Þau mistök áttu sér stað í útsendum aðalfundarboðum að tímasetning fundarins koma ekki fram.
Fundurinn byrjar kl. 20:00.
—————-
Höfundur: Helga Björk Pálsdóttir
Árskýrslu HSSR fyrir síðasta starfsár er nú að finna á vefnum. Hún nær frá september 2010 til september 2011. Hún er á opnu svæði undir gögn. Aðalfundurinn byrjar klukkan 20.00. Það gleymdist að setja það í fundarboðið. Endilega mætið tímanlega, það þarf ákveðin fjöldi fullgildra félaga að mæta til að fundurinn skoðist löglegur og geti hafist.
—————-
Höfundur: Haukur Harðarson
Hjálparsveit skáta í Reykjavík
Fundarboð – aðalfundur 22. nóvember 2011
Stjórn Hjálparsveitar skáta í Reykjavík boðar til aðalfundar þriðjudaginn 22. nóvember næstkomandi. Fundurinn verður haldinn að Malarhöfða 6.
Dagskrá fundarins verður með hefðbundnum hætti:
1. Sveitarforingi setur fundinn og stýrir kosningu fundarstjóra
2. Fundarstjóri skipar fundarritara
3. Inntaka nýrra félaga
4. Fráfarandi stjórn gefur skýrslu um starf sveitarinnar
5. Gjaldkeri leggur fram endurskoðaða reikninga HSSR
6. Skýrslur nefnda
7. Kosningar
• Sveitarforingja
• Meðstjórnenda
• Endurskoðanda
• Félagslegs endurskoðanda
• Uppstillingarnefndar
8. Önnur mál
Kaffiveitingar
Stjórn hvetur alla félaga sem og nýliða til að fjölmenna og taka þátt í umræðum um málefni sveitarinnar.
Með kveðju,
Stjórn Hjálparsveitar skáta í Reykjavík
—————-
Höfundur: Helga Björk Pálsdóttir
Uppstillingarnefnd HSSR kynnir hér með uppstillingu til stjórnar HSSR en kosið verður í stjórn á sveitarfundi, næstkomandi þriðjudag 22. nóvember.
Haukur Harðarson gefur kost á sér til sveitarforingja en kosið er til eins árs í senn. Kosið er um sæti meðstjórnenda til tveggja ára í senn.
Eftirfarandi sitja þegar í stjórn og eiga 1 ár eftir:
Hilmar Már AðalsteinssonAnna Dagmar ArnardóttirEftirfarandi gefa kost á sér í 4 laus sæti í stjórn:
Kristjón SverrissonEinar Ragnar SigurðssonSigþóra Ósk ÞórhallsdóttirBjörk Hauksdóttir (hefur nýlokið stjórnarsetu og gefur aftur kost á sér) Félögum er bent á að öllum er frjálst að bjóða sig fram til stjórnar HSSR.
Uppstillingarnefnd,
Hálfdán, Brynja og Einar
—————-
Höfundur: Hálfdán Ágústsson
Helgina 18. – 20. nóvember næstkomandi verður Björgunarskólinn með hópstjóranámskeið á Úlfljótsvatni. Markmið námskeiðsins er að gera þátttakendur hæfari til að stjórna leitar- og björgunarhópum og er ætlað hópstjórum björgunarsveita. Það er fjölbreytt, blanda af fyrirlestrum, hópavinnu og æfingum.
Meðal annars verður farið í gegnum eftirfarandi hluti:Hópurinn – Uppbygging og viðhald hóps, innihald, hver skipar stjórnandann, skráning og viðmiðunarreglur, Stjórnandinn – leiðtoginn, verkstjórinn, stjórnunarstílar, hjálpartæki og gögn, mistök, rýnifundir, traust og virðing, Hverjar eru kröfurnar til stjórnanda? Hvenær á að stoppa?, Stjórnkerfi í leit og björgun – lands og svæðisstjórnarkerfið, réttindi og skyldur, almannavarnir og lög og reglugerðir, Vettvangurinn – verndun vettvangs, að tryggja örugg samskipti, öflun sönnunargagna, Samskipti út á við – aðstandendur, svæðisstjórnir, viðbragðsaðilar og fjölmiðlar, Áföll og uppákomur – slys og veikindi, bilun eða skortur á búnaði, áfallahjálp, Stjórnun í almennu starfi – stjórnun flokks í starfi, sararstjórn, æfingar, viðburðastjórnun, fjáraflanir
+Námskeiðið er byggt upp á bæði fyrirlestrum og verklegum æfingum. Þá er reynt að hafa þau mjög opinn með það að markmiði að fá virkar umræður um námsefnið þannig að allir geti miðlað og lært af fyrri reynslu nemenda og leiðbeinanda.Nokkur sæti eru enn laus á námskeiðið og hvetur stjórn þau sem eru hópstjórar í útköllum eða hafa útkallsreynslu og hafa áhuga á að verða hópstjórar að skrá sig á námskeiðið.
—————-
Höfundur: Haukur Harðarson
Við erum að safna myndum í ársskýrslu. Það er lögð áhersla á að þær tengist starfi HSSR, sýni félaga, störf eða tæki. Einnig fínt ef einkennisfatnaður sé sýnilegur og séu í þokkalegri upplausn. Ársskýrslan er ódauðlegt rit og þær eru til um ókomana framtíð. Þú hefur tækifæri til að komasta á spjöld sögunnar. Myndir sendist á haukur@frae.is
—————-
Höfundur: Haukur Harðarson