Þrír hressir, en fjölskyldulausir, garpar skelltu sér í eiginn leiðangur á dögunum. Undanfarinn Hálfdán með tvo búðinga, þau Gulla og Hrafnhildi, sér við hlið, fóru á Snæfellsjökul að heilsa nýju sumri. Veðrið var kannski ekki eins og best verður á kosið, t.a.m. voru leiðangursmenn ekki vissir hvaða toppur var klifinn. Var skíðað og gengið til skiptis eftir smag og behag. Nokkrar myndir komnar á myndasíðuna.
—————-
Texti m. mynd: Paa topptur
Höfundur: Hálfdán Ágústsson
Sælir félagar í HSSR
Næstkomandi þriðjudag, þann 25. apríl verður næsti sveitarfundur HSSR. Vegna margra frídaga undanfarið og framundan er fyrirséð að fundarboð mun berast í seinna lagi til ykkar. Með fundarboðinu berst ykkur símaskrá HSSR sem er í nýstárlegu broti þetta skiptið.
Læt fylgja með hér að neðan fundarboðið:
Stjórn Hjálparsveitar skáta í Reykjavík boðar til reglulegs sveitarfundar þriðjudaginn 25 apríl.
Fundurinn hefst kl. 20.00 og verður haldinn að Malarhöfða 6.
Dagskrá:
• Sveitarforingi setur fund og stýrir kosningu fundarstjóra og fundarritara.
• Inntaka nýrra félaga.
• Skýrsla stjórnar um starfsemi sveitarinnar frá síðasta reglulega sveitarfundi.
• Önnur mál.
Guðrún Sigmundsdóttir yfirlæknir á sóttvarnasviði Landlæknisembættis ræðir um stökkbreytingu á influensu, (fuglaflensu).
Lækkun á nýliðaaldri.
Fjallaklifurferð félaga HSSR til Pakistan.
• Nýliðar eru minntir á að þeir hafa seturétt á fundum sveitarinnar, með málfrelsi og tillögurétt. Þeir eru hvattir til að mæta og taka þátt í umræðunni sem og allir aðrir félagar HSSR.
Kveðja
Stjórn Hjálparsveitar skáta í Reykjavík
—————-
Höfundur: Einar Þorláksson
Undirritaður skellti sér í ævintýraferð um páskana ásamt kollega sínum, honum Freyza úr Ársæli. Takmarkið var að klífa Antafjallstind í austanverðum Öræfajökli – nánartiltekið í skriðjöklinum Fjallsjökli. Það hafði ekki verið gert síðan 1989. Þrammað var upp Fjallsjökulinn á föstudeginum langa, tjaldað og sofið í mikilli snjókomu. Laugardagurinn var bjartur og fagur og á dögum sem þessum er Ísland besta land í heimi. Takmarkið tókst og sem bónus var gengið á Káratind sem er þarna steinsnar frá.
Þetta er tíminn til að bralla eitthvað á landinu!
Myndir komnar inn á netið: http://gallery.askur.org/album519
—————-
Vefslóð: gallery.askur.org
Texti m. mynd: Freyzi þræðir hnífsegg á Antafjallstindi
Höfundur: Stefán Örn Kristjánsson
Helgi, Hálfdán og Andri skelltu sér á Nagg í Vesturbrúnum Esju í blíðunni á laugardaginn. Þetta er skemmtileg fjallganga með léttum íshöftum og snjóbrekkum sem endar á hálfgerðu einstigi yfir klettabrú að tindinum sjálfum. Það er kirfilega hægt að mæla með fjallgöngum og klifri í ævintýralegu landslaginu í Vesturbrúnum Esjunnar en það er alltaf jafn undarlegt hve vanmetið þetta klifursvæði í bakgarði okkar er.
Sjá einnig fréttastúf Andra á vef Ísalp, http://isalp.is/forum.php?op=p&t=974
—————-
Texti m. mynd: Hálfdán og Andri ganga yfir klettabrúnna að Nagg
Höfundur: Hálfdán Ágústsson
Þrír undanfarar – Steppo, Hálfdán og Helgi, gerðu sér glaðan dag síðustu helgi og skelltu sér á Hrúftjallstinda. Með í för var kollegi okkar hann Sissi úr Ársæli. Gegnið var upp Svínafellsjökul föstudagsnóttina og bívaggað undir fjallrótum Hrúfjallsins. Eftir tveggja tíma svebnh risu piltarnir útsofnir á fætur og hófu klifrið. Réttrúmlega 8 tímum frá brottför stóðu allir uppi á toppi í blíðskaparveðri. Sex tímum síðar vorum við komnir niður í bíl eftir langa og stranga niðurleið. Þá tók við akstur vestur í Landbrot þar sem Hálfdán lumaði á þessum líka fínum bústað með prýðilegu útsýni yfir Öræfin. Þar sofnuðu piltar svefni hina réttlátu án þess að hafa orku til að búa sér til kvöldmat. Kvöldmatinn fengum við svo í morgunmat.
Ljómandi skemmtileg helgi.
Myndir að finna á fjallamyndagalleríi Íslands – gallery.askur.org:
Steppo: http://gallery.askur.org/album521
Sissi: http://gallery.askur.org/sissi_hrutsfjall06
—————-
Vefslóð: gallery.askur.org
Texti m. mynd: Steppo, Hálfdán og Helgi á Hrútfjallstindum
Höfundur: Stefán Örn Kristjánsson
Gömlu nýliðarnir í sleðaflokk héldu til fjalla þann 1. apríl. Sjá myndir í myndaalbúmi
—————-
Texti m. mynd: Endurvarpinn á Háskerðing
Höfundur: Páll Ágúst Ásgeirsson
Vildi bara minna á fyrirlestur sem samkvæmt dagskrá er í kvöld en einnig vil ég benda á BANFF kvikmyndasýningu sem Íslenski alpaklúbburinn stendur fyrir þriðjudagskvöldið 4. apríl, kl. 20:00, í Smárabíó. Margar forvitnilegar myndir á boðstólnum.
Aðgangseyrir á kvikmyndasýninguna er kr. 700 fyrir ÍSALP félaga en kr. 950 fyrir aðra.
Með kveðju,
Stefán Páll Magnússon
—————-
Vefslóð: isalp.is
Höfundur: Stefán Páll Magnússon
Við Palli fórum í góða æfingaferð s.l. laugardag um N-Fjallabak. Lagt var af stað úr bænum kl. 7 á laugardagsmorgun og komið heim um kvöldið eftir frábæran dag. Veðrið var gott og færið einnig. Frábær dagur. Sjá má myndir í myndasafni.
—————-
Texti m. mynd: Strútur og Mýrdalsjökull
Höfundur: Helga Garðarsdóttir
Áætlað er að fara frá M6 kl. 8.00 stundvíslega. Eins og staðan er nú er lítið um snjó í nágrenninu og því stefnt á að ganga á Heklu, en það verður þó ákveðið endanlega á föstudag með tilliti til veðurs og snjóalaga. Ferðin er í umsjón Eftirbáta. Áhugasamir hafi samband við Ólafíu í síma 862-2863 eða Gunnlaug í síma 824-6406. Þátttaka tilkynnist til olafia.adalsteinsdottir@landsbanki.is eða gunnlaugur@live.is. eigi síðar en á hádegi föstudags 24.3. Reiknað er með að koma til baka um kvöldmatarleytið, jafnvel að skella sér í sund á bakaleiðinni.
—————-
Höfundur: Helga Garðarsdóttir
Kolbeinsstaðafjall er eitt af glæsilegri fjöllum á vesturlandi, sem
allt of fáir hafa klifið. Fjallið er í Eyjahreppi og gnæfir yfir
Eldborg og Mýrunum, hátt og með glæsilegum tindum.
Þekktustu tindarnir eru Hrútaborg (862m) og Tröllakirkja (819m).
Gengið verður frá bænum Mýrdal við Heydalsveg, upp Snjódal í áttina
að Hrútaborg og við byrjum á því að taka þann tind. Síðan er haldið
til suðvesturs eftir fjallshryggnum og þar er Tröllakirkja, hár og
fallegur tindur. Gert verur ráð fyrir að gista í tjöldum, snjóhúsum
eða bivuakað einhvers staðar þarna á milli tindanna. Þeir sem ætla
sér að mæta í ferðina þurfa að hafa grunnþekkingu í fjallmennsku.
Broddar, ísöxi, klifurbelti og búnaður til vetrarfjallamennsku er
algjört möst. Þó er ekki um erfitt klifur að ræða, heldur skulum við
kalla þetta létt og skemmtilegt brölt, sem allt sæmilega vant
hjálparsveitarfólk ætti að ráða við. Ef einhverjir hafa áhuga, er svo
hægt að fara erfiðari leiðir á fjallið eins og í klettabeltunum suð-
vestan í því. T.d. er hryggurinn syðst í fjallinu, næst Kaldárdal
mjög ögrandi fyrir góða klifrara.
Þeir sem ætla sér í ferðina hafi samband við Árna Tryggvason. s.
8625364, arnitr@simnet.is.
—————-
Höfundur: Gunnar Kr. Björgvinsson