HSSR er að endurnýja vasaljós. Við munum kaupa ljós sem heita Led lenser P-14 og nánari upplýsingar um þau er að finna á http://www.ledlenserusa.com/product_info.php?modelNum=8414
Ef félagar hafa áhuga á að kaupa svona ljós og koma inn í pöntun HSSR þá er þeim velkomið að skrá sig inn á korknum til 8. des. Gert er ráð fyrri að ljósin komi fyrir jól. Nánari upplýsingar eru á korknum.
kveðja stjórn
—————-
Texti m. mynd: p 14.
Höfundur: Haukur Harðarson
Heil og sæl
Senn líður að jólum og er stjórnin farin að huga að nýárskortum sem HSSR sendir út ár hvert. Kortið hefur skartað mynd úr starfi sveitarinnar. Nú er hafin leit að MYNDINNI í ár. Langar mig að leita til félaga HSSR sem eru viljugir til að láta mynd af hendi til opinberra birtingar og finna 1-2 góðar myndir (í stórri og góðri upplausn) í fórum sínum þar sem félagar sjást í starfi og leik í fullum herklæðum og ekki verra að hafa nokkur tæki í kring. Myndin sendist á netfangið helga@landsbjorg.is
Undirrituð sem er ritar stjórnar mun svo velja eina mynd sem verður prentuð á kortið og að sjálfsögðu mun nafn eigenda myndarinnar koma fram á baksíðu kortsins.
Með von um góð viðbrögð
Helga Björk
—————-
Höfundur: Helga Björk Pálsdóttir
Árshátíð HSSR var haldin í Húsadal síðastliðinn laugardag.
Samkvæmt diskatalningu grillara voru 77 félagar á svæðinu og eftir því sem best er vitað var hátíðin skemmtileg.
Heiti potturinn var mjög vinsæll og þegar talning fór fram stuttu fyrir kvöldmat voru 16 búkar í honum. Fjöldi liða tók þátt í Erikuralli, sem fór fram í nokkurri bleytu á laugardeginum. Var fjöldi viðurkenninga veittur og að venju voru skemmtiatriði fjölbreytt.
Hægt er að nálgast nokkrar myndir á vefslóðinni http://picasaweb.google.com/simbason/GrillaHanda77#
og hægt er að nálgast myndband NII á http://www.vimeo.com/17135106
Stjórn vill þakka góðan undirbúning og skemmtilega árshátíð.
—————-
Höfundur: Haukur Harðarson
Sjúkrahópum gefst kostur á að taka þátt í hópslysaæfingu nk. laugardag.
Áhugasömum bent á að setja sig í samband við Trausta traustitender@hotmail.com
—————-
Höfundur: Hlynur Skagfjörð Pálsson
Áhugasamir vinsamlega skrái sig á korkinum.
Með kveðju,
Stefán Páll
—————-
Höfundur: Stefán Páll Magnússon
Stjórn HSSR leitar að áhugasömum félögum til starfa með Bækistöðvarhópi HSSR.
Hópurinn er stjórnskipaður og stýrir stjórnstöð HSSR í útköllum, sér um skipulagsvinnu vegna útkalla og heldur utanum útkallsskrá HSSR.
Meðal verkefna í útköllum eru: samskipti við svæðisstjórn, aðstoð þegar hópar leggja af stað í útkall, upplýsingaöflun og miðlun upplýsinga til hópa í aðgerðum, boðun viðbótarmannskaps í aðgerðir auk rýnivinnu eftir útköll.
Leitað er eftir fullgildum félögum sem eiga auðvelt með samskipti og samvinnu.
Nánari upplýsingar veita Hilmar Már hilmarmar@internet.is , Björk Hauksdóttir og Jónína Birgisdóttir.
—————-
Höfundur: Hlynur Skagfjörð Pálsson
Þriðjudagskvöld eru venjulega annasöm kvöld á Malarhöfðanum. Í gærkvöldi voru NII með myndakvöld og popp, sjúkrahópur á æfingu, verið að taka fyrstu skref í flugeldavinnu með því að færa útkallsbúnað til og sleðahópur á æfingu.
Einstæð mynd náðist að eldri félögum hópsins þar sem þeir voru að undirbúa sig undir sig- og kilifuræfingar undir leiðsögn sér yngri manna.
—————-
Höfundur: Haukur Harðarson
Nú er ég búinn að senda lista í Everest yfir þá sem áhuga hafa á að taka þátt í skíðakaupunum. Snorri (okkar maður) mun sjá um að taka við pöntunum og afgreiða. Skíðin eru á leiðinni og berast á næstu vikum.
Það sem er í pakkanum er:
Skíði:
BCX Europa 99 m. stálköntum – Mjög góð alhliða ferðaskíði.
BCX Europa 109 m. stálköntum. – Góð ferðaskíði, 10 mm breiðari en hin gerðin og henta því verr í troðnar brautir en betur í brekkur.
Skór:
Fischer BCX6 f. pinnabindindingar – Þessir skór eru þjálli í notkun, en sem komið er eru færri sem nota þá. Sjálfur er ég með svona skó og bindingar og er alsæll.
Fischer BCX fyrir 75 mm. bindingar – Skór með breiðari tá og passa í þessar hefðbundnu 75mm bindingar.
Bindingar:
Pinnabindingar
75 mm. Bindingar
Góðir stafir sem henta í ferðaskíðamennsku.
Eins og er er pakkinn á ca. 102.000 kr. og þar af er svo veittur 25% afsláttur, þannig að verðið endar í ca 76.000 kr. fyrir allt. Greiða þarf 25.000 inn á pakkann við pöntun, sem þarf að gerast sem allra fyrst, því ef svo fer sem horfir, þá stefnir í flottan skíðavetur og dótið rennur hratt út. Nú þurfum við að standa við okkar og ef allt gengur eftir, verður hugsanlega hægt að herja út hærri afslátt.
Svo ef þið hafið áhuga á brautaskíðum er líka hægt að fá þannig búnað á sama aflsætti.
kv. Árni Tr.
—————-
Texti m. mynd: Gaman á skíðum.
Höfundur: Árni Tryggvason
Fimmtudaginn 18. nóvember verður fjórða Fjall kvöldsins klifið. Hún Fía (Ólafía Aðalsteinsdóttir) tekur að sér leiðsögn ásamt nokkrum frábærum ofurkonum úr Eftirbátum. Í þetta sinn verður farið á Grímannsfell (gengið upp frá Helgufossi og komið niður við Gljúfrastein). Mæting er á M6 kl. 17:45 og bröttför er klukkan 18. Sem fyrr er akstur á vegum sveitarinnar en farið verður á einkabílum ef þess þarf. Eins og ávallt er mikilvægt að vera vel búinn, í góðum skóm og í hlýjum fatnaði. Munið eftir höfuðljósum, vatni og nesti. Svo þarf nú varla að minna á góða skapið 😀
Sjáumst
—————-
Höfundur: Íris Lind Sæmundsdóttir
Nú fer hver að verða síðastur til að skrá sig á árshátíðina.
Ríflega 60 manns hafa skráð sig nú þegar og lýkur skráningu formlega kl 08:00 að morgni miðvikudagsins 17. Nóvember.
Eftir það þá er ekki víst að við getum útvegað fararkosti inn í mörk fyrir þá sem hafa skrá sig á síðustu stundu.
Eins og áður fer skráning fram á arshatid@hssr.is
Og til að leggja inn á sveitina.
3.500 kr. á mann fyrir almenna gistingu og 4.000 kr. á mann fyrir 2 manna herbergi
Kennitala: 521270-0209
Reikningsnr: 0311-26-002729
—————-
Texti m. mynd: Heiti potturin !
Höfundur: Frímann Ingvarsson