Fulltrúaráðsfundurinn verður haldinn laugardaginn 20. nóvember næstkomandi. (já sama dag og árshátíðinn) Fundurinn verður haldinn í Vodafone húsinu (Vals heimilið á Hlíðarenda) í Reykjavík og stendur frá kl. 9:00-16:00. Fulltrúaráðsfundur Slysavarnarfélagsins Landsbjargar er öllum opinn og ef þú ert ekki að fara inn í Þórsmörk þá er ertu velkominn. Skráning er á vef SL en einnig er hægt að fá upplýsingar um fundinn hjá sveitarforingja. Fyrir hönd HSSR munu Haukur og Björk sitja fundinn þ.e. að segja þangað til þau verða að yfirgefa hann til að fara á árshátíð.

—————-
Höfundur: Haukur Harðarson

Fyrsti fundur stjórnar eftir aðalfund var haldin mánudaginn 8. október. Fyrsti fundurinn fór aðallega í að ræða verklag, ákvarðanatöku og einnig skipti stjórn með sér verkum. Næsti fundur verður haldinn mánudaginn 15. nóvember.

Verkaskipting stjórnar í embætti er eftirfarandi:

Sveitaforingi: Haukur

1. aðstoðarsveitarforingi: Björk

2. aðstoðarsveitarforingi : Hilmar

Gjaldkeri: Anna Dagmar

Ritar: Helga

Meðstjórnendur: Frímann og Örn

—————-
Höfundur: Haukur Harðarson

Það er ýmsum brögðum beitt við sölu á neyðarkalli.
Á einum vinnustað HSSR félaga er hefð fyrir meðlæti með föstudagsmorgunkaffinu.
Í dag er meðlætið Neyðarkallssúkkulaðikaka og kostar hver sneið af henni 1500 kr.
Tilvalið kökuskraut.

—————-
Texti m. mynd: Ungir Neyðarkallar.
Höfundur: Hlynur Skagfjörð Pálsson

Aðalfundur HSSR var haldin 2. nóvember 2010. Miklar breytingar urðu á stjórn sveitarinnar, alls koma fimm nýir félagar í stjórn. Haukur Harðarson sveitarforingi bauð sig fram til áframhaldandi setu og var einn í framboði.

Í stjórn til tveggja ára voru kosin Anna Dagmar Arnarsdóttir, Helga Björk Pálsdóttir og Hilmar Már Aðalsteinsson. Í stjórn til eins árs voru kosin Björk Hauksdóttir og Frímann Ingvarsson. Fyrir situr í stjórn Örn Guðmundsson.

Yfir 80 manns sátu fundinn, þar af 62 fullgildir félagar. Skýrsla stjórnar og reikningar sveitarinnar voru samþykktir samhljóða. Á fundinum skrifaði Tomasz Chrapek undir eiðstaf sveitarinnar og varð þar með fullgildur félagi í HSSR.

Að loknum aðalfundi hélt Snævarr Guðmundsson áhugaverðan fyrirlestur um kortlagningu sprungusvæða á jöklum.

—————-
Höfundur: Haukur Harðarson

Þegar við höfum lokið sölu á Neyðarkalli á laugardagskvöld ætlum við að fara saman í keilu. Spilað verður á 12 brautum – 5-6 manns í liði. Skráning á Korkinum og þeir sem hafa áhuga að skrá sig saman í lið geta gert það.

Spilaðar verða tvær umferðir og það lið sem fær hæsta skorið fær afhentan farandbikarinn.

Mæting er kl. 19.30 og við byrjum að spila kl. 20.00. Þeir sem ekki hafa áhuga á að spila keilu geta að sjálfsögðu mætt og fylgst með og hvatt sitt lið áfram.

—————-
Höfundur: Anna Dagmar Arnarsdóttir

Slysavarnarfélagið Landsbjörg og Saga Film bjóða félögum HSSR og fleirum á heimildarmynd um ferð Íslensku alþjóðasveitarinnar til HAITI.

Sýningin verður í Háskólabíó miðvikudaginn 3 nóvember í SAL 1 og hefst klukkan 20:00.

Sýninginn er fyrir alla félaga, N1, N2 og fjölskyldur þeirra.

—————-
Höfundur: Hilmar Már Aðalsteinsson

Munið aðalfund Hjálparsveitar skáta í Reykjavík sem verður haldinn þriðjudaginn 2. nóv. kl. 20.

Slóð á skýrslu stjórnar er á borðanum hér að neðan.

Eftir fund er í boði spennandi fyrirlestur um Kortlagningu sprungusvæða á jöklum sem Snævarr Guðmundsson heldur.

kv. Stjórn.

—————-
Höfundur: Árni Þór Lárusson

Sex HSSR félagar luku í dag prófi eftir námskeiðið Wilderness first responder eða Fyrsta hjálp í óbyggðum.
Þrjú úr hópnum starfa með Undanförum HSSR og hinir þrír starfa með Tækjahópi.
Á myndinni má sjá útskriftarhópinn sem við óskum til hamingju með áfangann:

Ásdís Magnúsdóttir Undanfari.
Kjartan Óli Valsson Tækjamaður.
Daníel Másson Undanfari.
Halldór Ingi Ingimarsson Tækjamaður.
Daníel Guðmundsson Undanfari.
Marteinn S. Sigurðsson Tækjamaður.

—————-
Texti m. mynd: Vaskur óbyggðabjörgunarhópur.
Höfundur: Hlynur Skagfjörð Pálsson