28 Nýliðar héldu upp á hellisheiði snemma morguns laugardaginn 14. Janúar. Leiðin lá upp í Sleggjubeinsskarð þaðan sem ganga átti um Innstadal í skátaskálana 3, Þrymheima, Kút og Bælið. Mikil veðurblíða tók á móti okkur í Sleggjubeinsskarði en þar blés hressileg og rigndi vel. Allir fengu að prófa hvort að pollagallinn virkaði og voru menn mis ánægðir með gallana. Eftir góða pásu tóku við hrikalega metnaðafullar fjallamensku æfingar fram á kvöld og var mál manna að langt sé síðan að aðrar eins kúnstir við ísaxarbremsu hafa sést.

Á sunnudeginum var svo komin þessi rjómablíða og allskyns kúnstir kenndar. Dagurinn endaði svo með stuttu rölti að neyðarskýlinu við Suðurlandsveg þar sem okkar ástkæru bílaflokksmenn sóttu okkur og komu okku öllum í bæinn.

Undanfara vilja þakka$ mjög efnilegum nýliðahóp fyrir helgina og vonandi að allir hafi lært eitthvað og skemmt sér vel.

Einar Ragnar var auðvitað með myndavélina og hér er hlekkur á myndirnar hans:

—————-
Texti m. mynd: Hressir nýliðar að hvíla sig eftir erfiðar æfingar
Höfundur: Kári Logason

Bílahópur vaknaði snemma og ók með nýliða og leiðbeinendur þeirra upp í Hellisheiðarvirkjun upp úr klukkan 07:00 í gær laugardag og skildi þar eftir í grenjandi slagveðursrigningu.
Um nónbil hélt bílahópur síðan aftur af stað og nú með gas til upphitunar í einum skálana sem gist var í.
Ferðin var notuð til æfinga á bílanýliðum og til að kenna þeim að beyta bílunum í snjó sem nægar birgðir eru ef á svæðinu núna. Ferðin gekk alveg prýðisvel og fengu allir tækifæri til að spreyta sig við stýrið, vanir og óvanir.
Þegar heim var haldið fékk einn leiðbeinandi og tveir nýliðar far í bæin, þar sem veikindi og ólokin lærdómur höfðu látið á sér kræla.

Sleðahópur var einnig við æfingar á svæðinu og eins og áður sagði er gríðarlega mikið magn af snjó á svæðinu og því alveg prýðisútivistarfæri fyrir allar tegundir af snjósportum.

—————-
Texti m. mynd: Mynd: Svavar Jónsson
Höfundur: Guðmundur Jón Björgvinsson

Hjálparsveit skáta í Reykjavík mun selja flugelda að Malarhöfða 6 fimmtudaginn 5.janúar og föstudaginn 6. janúar. Báða daganna verður sölustaðurinn opinn frá 14.00 til 21.00. Staðsettningu má sjá nánar á korti sem kemur upp ef þú smellir á borðan hér fyrir ofan.

—————-
Höfundur: Haukur Harðarson

Stjórn HSSR ásamt stjórnendum útkallshópa munu funda þriðjudaginn 17. janúar. Á fundinum munum við ræða starfið í hópunum, D4H og framtíð þess, þrifaplan fyrir M6, hópstjóranámskeið, nýtt skráningarkerfi inn í hús og afmælisár. Mikilvægt að allir stjórnendur útkallshópa mæti ef þeir eiga möguleika, skráning er hafin á D4H.

—————-
Höfundur: Haukur Harðarson

Hjálparsveit skáta í Reykjavík vill þakka öllum þeim sem styrktu starf okkar með kaupum á flugeldum fyrir þessi áramót. Salan gekk vel og með henni hefur rekstur sveitarinnar verið tryggður næsta árið. Það er áberandi hversu mikill velvilji er með starfi björgunarsveita, margir hafa orð á því við okkur og það eflir okkar starf.

Takk fyrri stuðningin

Haukur Harðarson sveitarfoiringi Hjálparsveitar skáta í Reykjavík

—————-
Höfundur: Haukur Harðarson

Eins og undanfarin 43 ár mun Hjálparsveit skáta í Reykjavík selja flugelda fyrir áramótin. Upplýsingar um sölustaði og opnunartíma finnur þú með þú með því að smella á borðan fyrir neðan þessa frétt. Þar getur þú einnig tekið þátt í léttum flugeldaleik og átt möguleika á að vinna fjölskyldupakka.

Flugeldasalan gerir okkur kleift að halda úti okkar starfi. Við þökkum fyrir stuðningin á liðnum árum og minnum ykkur á að umgangast flugelda með varúð. Gleðilegt ár.

—————-
Höfundur: Haukur Harðarson

Nú er orðið jólalegt á Malarhöfða.
Skógræktarfélag Mosfellsbæjar gaf HSSR jólatré sem að stjórnin setti upp og skreytti í gærkvöldi. Þetta er í fyrsta skipti sem að skreytt jólatré er við húsið okkar.
Flugeldaskiltið logar skært á þakinu og minnir okkur á að skila flugeldavinnuskráningu hið fyrsta til að auðvelda skipulag.

Til að skrá sig á almennar söluvaktir er smellt hér: http://bit.ly/flugeldar-2011-vaktir

Til að skrá sig í aðra vinnu, smiðir, rafvirkjar, öku og lagermenn, gáma og skiltagengi smella hér: http://bit.ly/flugeldar-2011-stodvaktir

Uppsetning flugeldasölustaða hefst í bítið þann 27. des og óskað er eftir félögum í almenna uppsetningavinnu frá kl. 14 og svo auðvitað í sem mesta vinnu alla daga til áramóta.

—————-
Höfundur: Hlynur Skagfjörð Pálsson

Mánudaginn 5. desember kom hluti borgarstjórnar Reykjavíkur í heimsókn á M6. Heimsóknin var í tilefni af degi sjálfboðaliða og tilgangurinn var að kynnast starfi SL og aðildareininga þeirra. Eftir kaffi, kynningar og lífrænt ræktuð epli var búnaður HSSR skoðaður og endað á því að sparka í nokkur dekk. Skemmtileg heimsókn og það ánægjulegasta við hana var að hún var af frumkvæði borgarinnar og áhuginn einlægur.

—————-
Höfundur: Haukur Harðarson

Fyrsti sleðatúrinn í vetur: Haldið var á Langjökul og áttum við góðan dag þar. Á leiðinni var mikil hrímþoka, máttum við hafa okkur alla við að brjóta ís af gleraugum til að sjá hvert við vorum að fara. Við þessar aðstæður reyndi á blindaksturshæfileika ökumanna sem er aldrei of oft æft. Við Þursaborg birti til svo þar gátum við sprett úr spori og gert nokkrar tækniæfingar.

Á heimleiðinni var haft samband við okkur og beðnir að aðstoða við böruburð í Reykjadal. Þótti okkur sniðugt að geta notað daginn vel bæði í sleðaferð og fjallgöngu

Vélsleðahópur

—————-
Texti m. mynd: Við Þursaborg
Höfundur: Eiríkur Lárusson

Þriðjudaginn 22. nóvember var aðalfundur HSSR haldinn. Hann var hefðbundinn, skýrsla stjórnar, lagðir fram reikningar og kosnig í helstu embætti. Einnig var stjórn veitt heimild til að greiða niður lán sem hvílir á Malarhöfða 6, ef það þætti hagkvæmt.

Þrír félagar hættu í stjórn, það eru þau Frímann, Helga Björk og Örn. Þeim eru öllum þökkuð vel unnin störf en þess má geta að Örn hefur setið í stjórn í sex ár að þessu sinni.

Haukur bauð sig fram til sveitarforingja, í stjórn til tveggja ára voru þrír í framboði, Kristjón, Einar Ragnar og Björk og Sigþóra í framboði til eins árs. Engin önnur framboð bárust og voru allir því sjálfkjörfnir. Fyrir sátu í stjórn og eiga eitt ár eftir af sínu kjörtímabili Anna Dagmar og Hilmar Már.

Fundurinn var mjög vel sóttur, um 100 manns sóttu hann. Skýrslu stjórnar er að finna hér á heimasíðunni undir gögn og meðfylgjandi er mynd af nýkjörinni stjórn.

—————-
Höfundur: Haukur Harðarson