Reitir fasteignafélag veittu HSSR nýverið styrk til búnaðarkaupa. Styrkurinn var notaður til greiðslu á nýrri kerru sem borið getur fjóra vélsleða. Með þessum styrk vilja Reitir stuðla að uppbyggingu og endurnýjun tækja og búnaðar HSSR.

Ástæða styrkveitingarinnar er vaskleg framganga björgunarsveita í óveðri sem gekk yfir landið snemma á þessu ári. Björgunarsveitir afstýrðu tjóni á virðulegri og fallegri húseign Reita í miðbæ Reykjavíkur þegar stórt tré rifnaði upp með rótum.

Sú sjálfboðavinna sem björgunarsveitir landsins inna af hendi verður seint fullþökkuð. Með framlagi sínu til uppbyggingar björgunarbúnaðar hjá HSSR vilja Reitir leggja sitt af mörkum til þess að viðhalda viðbragðsgetur og viðbragðsflýti HSSR þegar mikið liggur við.

—————-
Höfundur: Hlynur Skagfjörð Pálsson

Þriðjudagskvöldið 1. nóvember n.k. verður gengið á Stóra-Meitil í Þrengslum. Þægilegt fjall til uppgöngu – eldri félagar boðnir sérstaklega velkomnir.

Nýliðar hvattir til dáða. Brottför kl. 19.00. Mæting 18.30. Munið eftir höfuðljósum, aukabatteríum og ullarsokkum.

Væntanlegir þátttakendur skrá sig á D4H (helst) eða á korkinum.

Nánari upplýsingar: Ingimar s.6983875, Sigrún s.8919056, Anna María s. 6186162

—————-
Texti m. mynd: Stóri-Meitill í Þrengslum
Höfundur: Ingimar Ólafsson Waage

Um 70 félagar sóttu reglulegan sveitarfund 27. september. Hann var að mestu hefðbundinn en meðal mála sem voru kynnt voru breytingar á útkallshópum, greining á útköllum síðasta starfsárs, leitarhundar og ferð félaga á WASAR ráðstefnu síðasta vor. Almar Steinn Atlason undirritaði eiðstaf HSSR og er boðinn velkominn í hópinn.

—————-
Höfundur: Haukur Harðarson

Almennur útkallshópur 2 og 3 sameinast og hrist upp í „óvirkum“

Kæru félagar (misvirkir) í HSSR Ákveðið hefur verið að sameina þessa útkallshópa 2 og 3 í einn, auk þess að við hvetjum þá sem ekki eru í þessum hópum en hafa áhuga á að vera tiltækir í útkall á sýnum forsendum til að koma til liðs við hópinn. Eftirfarandi punktar er að hluta eins og þetta er í dag en samhliða er áhugi fyrir því að halda utan um þennan hóp sérstaklega þó það verði með mjög „látlausu sniði“

Heiti flokksins er óákveðið en verður hér kallaður 3ja BYLGJAN sem vinnuheiti.Engin krafa er gerð um mætingu ef aðstæður leyfa ekki.Félagar eru á útkallslista og fá SMS í þriðju umferð útkalls og svara hvort þeir koma eða koma ekki með sms. Félagar velja sjálfir hvort þeir verða tiltækir bara utan vinnutíma. Engin breytingin verður á starfi félaga í öðrum einingum Eftirbátum / Dropum / Vélsleðahóp / Fjallahóp/Koma sér undan og fara og svo framvegis. Þeir sem eru óvirkir í dag en vilja prófa eru sérstaklega hvattir til að koma. Hópurinn mun í fáeinum tilfellum yfir vetrarmánuðina fá boð um að hittast til að fara yfir stöðuna. Mæting heldur ekki skilyrði. Boðið verður upp á uppryfjunarnámskeið í t.d. fyrstu hjálp, leitartækni og fjarskiptum.Þessir punktar eru aðeins til viðmiðunar, boðað verður til fundar mjög fljótlega með tölvupósti. Þar verður málið kynnt betur og farið yfir þessa hugmynd og lagt á ráðin hvernig fólk vill sjá þetta fyrri sér.

Nánari upplýsngar veita Andrjes GSM 8488404 & Arngrímur GSM 8602797

—————-
Höfundur: Hilmar Már Aðalsteinsson

Búið er að taka ákvörðun um að lagfæra planið fyrir framan stóru dyrnar á tækjageymslu. (þar sem Boli er geymdur) Skipt verður um jarðveg, sett rist og planið steypt. Ástæðan er sú að malbikið hefur látið mikið á sjá vegna þvotta og snjóbílaumferðar. Búið er að fá tilboð í verkið og gert ráð fyrir framkvæmdum áður en vetur skellur á.

Skápamál hafa verið til umræðu hjá stjórn. Nú er aftur farið að bera á skorti á skápum og því þörf á skoðun á þörf einstaklinga fyrir skápa. Eins og áður verður horft til virkni félaga og áhersla lögð á mætingu í útköll. Það verður skápaskoðun, þ.e. lagt mat á hvað er í skápnum og hvort það er búnaður sem tengist útköllum. Eftir það verða félagar sem ekki uppfylla virkni og skoðun spurðir um þörf þeirra fyrir skápa.

Að lokum minni ég á að fundargerðir stjórnar eru byrtar á vef HSSR og koma í flestum tilvikum inn um viku eftir fundi.

—————-
Höfundur: Haukur Harðarson

Á stjórnarfundi í gær voru samþykktar breytingar á hópum HSSR og talsverðar breytingar hafa átt sér stað meðal hópstjórnenda frá síðustu útgáfu bæklings um útkallshópa.

Beltahópur endurvakinn undir nafninu Snjóbílshópur

Tækjahópur verður Bílahópur

Sleðahópur verður Vélsleðahópur

Einn hópur haldi utan um félaga á öðru og þriðja útkalli. Vinnuheitið á þeim hóp er "Almennt útkall 2 og 3". Finnum vonandi flottara nafn innan skams, hugmyndir vel þegnar.

Hópstjórnendur í vetur verða því eftirtaldir einstaklingar:

Almennt útkalll 2&3: Andrés Guðmundsson og Arngrímur Blöndahl

Bílahópur: Kjartan Óli Valsson og Guðmundur Jón Björgvinsson

Búðahópur: Jörgen H. Valdimarsson, Björn Eysteinsson og Þór Daníelsson

Bækistöðvarhópur: Jónína Birgisdóttir og Gunnlaugur Briem

Fjallahópur: Ragnar Antoniussen og Oddur Valur Þórarinsson

Léttsveitarhópur: Kári Steinar Karlsson. Hér vantar annan hópstjórnenda.

Sérhæfður leitarhópur: Þorvaldur Örn Finnsson og Vilhelm S. Sigurðsson

Sjúkrahópur: Katrín Möller og Helgi Þór Leifsson

Snjóbílahópur: Hlynur Skagfjörð Pálsson og Halldór Ingi Ingimarsson

Undanfarar: Daníel Másson og Daníel Guðmundsson

Vélsleðahópur: Kjartan Þór Þorbjörnsson og Eiríkur Lárusson

Stjórnin þakkar þessum aðilum fyrir að taka að sér að leiða útkallshópa sveitarinnar og von um frábæran vetur í starfi sveitarinnar.

N2 félagar eru kvattir sem endra nær að starfa með þeim hópum sem bjóða upp á slíkt. Nánari upplýsingar um hópstjórana er að finna á félagaskrá HSSR á heimasíðunni og í símaskrá HSSR:

—————-
Texti m. mynd: Mixaður hópur leitar norsks Belga
Höfundur: Hilmar Már Aðalsteinsson

Fjöldi fólks sótti kynningu á nýliðaþjálfun HSSR og var það glæsilegur hópur sem skilaði inn umsóknum í framhaldi af því. Fyrsta verkefni hópsins verður ganga á fjall í nágrenni Reykjavíkur nk. þriðjudag.

HSSR býður nýliða velkomna og vonar að tíminn í þjálfuninni verði þeim ánægjulegur og heillaríkur.

—————-
Höfundur: Haukur Harðarson

Ertu efni í björgunarsveitarkonu eða -mann?Við leitum að framtíðarbjörgunarsveitarfólki, nýliðaþjálfun er ekki hugsuð sem útilífsnámskeið sem stendur í einn vetur.Til þess að taka þátt þarftu að vera í líkamlega og andlega góðu formi. Það er mikil dagskrá og mikil mætingarskylda enda byggja námskeið, ferðir og æfingar ofaná hvort annað.Rekstur björgunarsveita er fjármagnaður að stórum hluta með fjáröflunum, flugeldsölu og fleiru og gert er ráð fyrir að nýliðar taki virkan þátt í þeim fjáröflunum.Öll námskeið fara fram á íslensku og því er íslenskukunnátta mikilvæg.Hjálparsveit skáta í Reykjavík er skemmtilegur félagsskapur sem að hefur margt að bjóða þeim sem að finna sig í starfinu.Vertu velkomin á kynningarfundinn sem hefst kl. 20.00 þriðjudaginn 6. september.

—————-
Texti m. mynd: Frá landsæfingu SL
Höfundur: Ólafur Jón Jónsson

Íslenska alþjóðabjörgunarsvetin verður með æfingu nú um helgina.

Æfingin hefst föstudag kl 17:00 og verður lokið eftir hádegi á laugardag.

Rúmlega 20 manns úr HSSR koma á einn eða annan hátt að æfingunni.

HSSR mun sjá um fataúthlutun í fyrsta sinn, prufukeyra uppfærslu af gagnagrunnsforriti, setja upp búðir (Base of Operation BoO), elda ofan í rúmlega 50 manns o.fl.

Sveitarfundur ÍA verður að lokinni æfingu á laugardag kl 13:00 í húsnæði Björgunarsveitar Suðurnesja Holtsgötu 51, fundurinn er opin öllum sem koma að starfsemi ÍA.

—————-
Texti m. mynd: Lítur Irena í heimsókn og reynir á Trellan.
Höfundur: Hilmar Már Aðalsteinsson

Í sjónvarpsþættinum Landanum sem sýndur verður í Ríkissjónvarpinu, sunndagskvöldið 10. júlí verður umfjöllun um nýafstaðina Hálendisvakt HSSR. Ekki er vitað hver verða í aðalhlutverkum en það er vel þess virði að gefa sér tíma eftir sjónvarpsfréttir og horfa á félaga okkar að störfum. Eigið gott sumar.

—————-
Höfundur: Haukur Harðarson