Nú má segja að starfsemi i HSSR sé komin í sumarfrí þó að reyndar verði einn hópur í hálendisgæslu í næstu viku.
Starfsmaður HSSR verður ekki við frá 9. júlí – 15. ágúst.

Okkar næstu verkefni verða: Gæsla á bikarúrslitaleik á Laugardalsvelli þann 13. ágúst, Gæsla við Reykjavíkurmaraþon eins og venjulega og vinna við undirbúningu og skot flugeldasýningar á Menningarnótt.

Til að auðvelda skipulag eru allir félagar beðnir að skrá hvort að þeir geti verið með eða ekki í þessum viðburðum.

Smelltu á þráðinn til að skila þinni skráningu
http://bit.ly/hssr-agust2011

—————-
Höfundur: Hlynur Skagfjörð Pálsson

Þá hafa Reykur 2 og Reykur 3 haldið til fjalla ásamt áhöfnum og verða þeir staðsettir á Kili fram á næsta föstudag. Á meðan mun sveitin nýta sér Reyk 1 og Reyk 4 ef til útkalla kemur. Síðan er samkvæmt nýjustu fréttum aðeins eftir að reka loka hnykkin á að klára Hengilsverkefnið og er það ósk Hlyns að sem flestir sjái sér fært að aðstoða við að ljúka við síðustu leiðirnar svo við komumst öll í sumarfrí fljótlega.

—————-
Texti m. mynd: Á fjöllum
Höfundur: Guðmundur Jón Björgvinsson

Félagi okkar í HSSR, Kári Steinar Karlsson, útskrifaðist nýverið af námskeiðinu Structural Specialist 2 sem haldið var í Moffett Field í Kaliforníu. Að þessum áfanga afloknum hefur Kári áunnið sér nafnbótina Advanced Structural Specialist. Námskeiðið er haldið á vegum verkfræðideildar bandaríska hersins (Army Corps of Engineers) og er það vottað af FEMA. Ferðafélagi Kára var Erlendur Birgisson frá HSSK. Í heild sátu námskeiðið 22 nemendur og er gaman að greina frá því að Kári og Erlendur eru fyrstu útlendingarnir sem útskrifast sem StS2.
Námskeiðið er 48 stundir sem dreifast á 6 daga. Nokkuð jöfn skipting var á milli bóklegra tíma og verklegra æfinga. Meðal þess sem í boði var fyrirlestur frá Nýja-Sjálandi um jarðskjálftana sem ollu þar miklum mannskaða og tjóni og svo fyrirlestur frá Texas um björgunarstarf í byggingunni sem nýlega var flogið á.
Áhersla var lögð á hamfarir hvers konar; jarðskjálfta, fellibyli, hryðjuverk, sprengingar (þ.m.t. gas) og hrun í byggingum á byggingartíma vegna mistaka.
Það sem getur nýst okkur er að sjá hvernig námskeiðshaldarar byggja upp sitt kerfi með aðilum í mati á öryggi/styrkingum á byggingum eftir áföll. Þeir viðburðir sem geta átt við hjá okkur eru helstir: jarðskjálftar, ofsaveður, snjóflóð eða aurflóð og hrun á byggingartíma.
Nánari upplýsingar um námskeiðið: disasterengineer.org

—————-
Texti m. mynd: Kári á námskeiðinu í Kaliforníu
Höfundur: Ólafur Jón Jónsson

Gengið hefur verið frá endurnýjun samnings HSSR við Orkuveitu Reykjavíkur um viðhald gönguleiða á Hengilssvæðinu. Samningurinn gildir til 1 árs og er umfang hans töluvert minna en í fyrra. Þó er lögð áhersla á að mála stikur og fræðsluskilti en dregið úr öðrum þáttum. Vinna við verkefnið hefst eftir helgi og verða sendir út tölvupóstar með frekari upplýsingum. Mikilvægt er að félagar fjölmenni í þessa mikilvægu fjáröflun um leið og við njótum útivistar á þessu skemmtilega svæði.

Stikunefndin.

—————-
Höfundur: Gunnlaugur Briem

Leiðangur vísindamanna að gosinu í Grímsvötnum kom niður Skálafellsjökul kl 22:00 í kvöld eftir tveggja daga leiðangur á jökli. Gunnar Kr (Lambi) og Sveinbjörn voru í þessum leiðangri ásamt vísindamönnum við sýnatöku og að kanna gosið. Leiðangurinn fór meðal annars upp á Grímsfjall.

Boli mun vera í einhvern tíma við rætur Skálafellsjökuls ef hann þyrfti að fara aftur upp á jökul.

Leiðangursmenn munu gista á Smyrlabjörgum í nótt og koma til Reykjavíkur á morgun fimmtudag.

—————-
Höfundur: Hilmar Már Aðalsteinsson

Alls 18 félagar í HSSR hafa verið á Vatnajökli frá 18 maí við æfingar. Um hádegisbil í dag lagði leiðangurinn af stað frá Grímsfjalli í átt að Skálafellsjökli aðeins nokkrum klukkustunum áður enn eldgos hófst í Grímsvötnum.

Hópurinn er í góðu yfirlæti þessa stundina (laugardagskvöldið 21/5) í tjöldum við rætur Skálafellsjökuls skammt frá Jöklaseli.

Til stendur að hópurinn komi til Reykjavíkur annað kvöld. Hugsanlegt er þó að Reykur Boli aðstoði jarðvísindamenn við sýnatökur á morgun sunnudag.

—————-
Texti m. mynd: Reykur Boli
Höfundur: Hilmar Már Aðalsteinsson

Hlynur, Helgi, Svava og Einar Dan eru nu a bjorgunarradstefnu i Kelsu sunnan Seattle USA.
Her hefur margt frodlegt borid fyrir augu og ma forum vid upp ad MT Saint Helen og hittum tar felaga ur sjalfbodalidabjorgunarsveit svaedisisn en teir fara allmargar ferdir upp i tetta fraega eldfjall a hverju ari til adstodar ferdafolki. Einnig hofum vid heimsott strandgaesluna og samhaefingarstod in Tacoma. Stodin su er byggd a loftpudum vegna jardskjalftahaettu, liklega til ad ekki hellist ur kaffibollum.

Adan syndum vid staffinu her a hotelinu myndir af Grimsvatnagosmekki og sogdum: This is what we offwer in Iceland today.
Fullordin framreidslukona svaradi: This is nothing, we have Saint Helen.

—————-
Höfundur: Hlynur Skagfjörð Pálsson

Ný stjórn og formaður Slysvarnafélagsins Landsbjargar var kjörin á 7. landsþingi félagsins sem er nýlokið á Hellu. Hörður Már Harðarson er formaður og aðrir í stjórn eru Smári Sigurðsson, Margrét Laxdal, Guðjón Guðmundsson, Eiður Ragnarsson, Gunnar Þorgeirsson, Hannes Frímann Sigurðsson, Jón Svanberg Hjartarson og Páll Ágúst Ásgeirsson. Páll Águst er félagi í Hjálparsveit skáta í Reykjavík

—————-
Höfundur: Haukur Harðarson

Eins og margir hér vita var okkur í Fjallahóp HSSR falið að annast framkvæmd Björgunarleikanna sem haldnir voru á Hellu laugardaginn 14. maí í tengslum við landsþing Slysavarnafélagsins Landsbjargar.

Hér var spennandi verkefni fyrir nýjan hóp, sem ekki hefði tekist að sinna nema með brennandi áhuga og svo auðvitað ómetanlegri aðkomu félaga annarra hópa. Af öllum ólöstuðum, má þakka frábært skipulag eins nýjasta félaga flokksins sem er Vilhelm Sigurðsson. Undirbúningur keppninnar hófst í febrúar með vettavangsferðum og hugmyndavinnu og svo skýrðist dagskráin og mótaðist eftir því sem nær dró keppni. Þegar keppnisdagurinn rann svo loks upp voru 20 lið mætt til leiks og tókust á við sjö aðalþrautir og nokkur aukaverkefni þurfti svo að leysa. í verkefnum dagisins reyndi á á ótal margt sem björgunarmenn þurfa að kunna, auk þess sem við reyndum að miða dagskránna við allra næsta nágrenni Hellu, þannig að lengst þurftu hóparnir að fara austur að Rauðalæk. Þrautirnar reyndu á skyndihjálparkunnáttu, línuvinnu, klifurkunnáttu, „vatnshræðslu“, húmor og hugmyndaflug og svo auðvitað þrek og úthald. Keppnin hófst kl. 7:30 um morguninn og stóð til kl. 16:00 síðdegis.

Eftir keppni lýstu nær allir þátttakendur yfir mikilli ánægju með framkvæmd og skipulag keppninnar. Allt rennsli var gott og hóparnir komust nánast alltaf beint í sín verkefni eins og tímaáætlun hafði verið sett upp.

Það var því skemmtilegt að vera fulltrúi sveitarinnar á árshátíð SL um kvöldið, meðtaka hrósið og þakkirnar og síðast en ekki síst að fá að stjórna verðlaunaafhendingunni. Í fyrsta sæti var hópur frá Súlum á Akureyri, í öðru var björgarnsveitin á Akranesi og í þriðja sæti var eitt tveggja liða frá HSSG.

Við lukum okkar verkefni með sóma og stefnum því á að verða þátttakendur í keppninni þegar hún verður haldin næst.

Með kærri kveðju og ítrekun á þökkum til allra sem að keppninni komu.

Árni Tryggvason

—————-
Texti m. mynd: Farið yfir Ægissíðufoss á línubrú.
Höfundur: Árni Tryggvason

Sleðahópur hefur verið virkur undanfarið. Þar má nefna sleðaferð austur á land. Páskagæslu í Landmannalaugum. Um síðustu helgi fór Eiríkur Lárusson á námsskeið í sleðaakstri, þar sem nýjar aðferðir voru kenndar , sem gerir okkur kleyft að stöðva í miklum halla án vandræða og snúa við á leið niður ef hætta er framundan. Þegar við erum búnir að tileinka okkur þessa tækni munum við verða oruggari í erfiðum aðstæðum. Kennari á þessu námsskeiði var Bandaríkjamaður Bret Rasmussen. Höfum við farið samferða Kyndilsmönnum úr Mosfellsbæ í þrjár stórar ferðir í vetur, og eru forréttindi að fá að ferðast með þeim og læra af þeirra miklu reynslu og eiga þeir þakkir skilið.

Eiríkur Lárusson

—————-
Texti m. mynd: Rasmussen að kenna tökin
Höfundur: Eiríkur Lárusson